Flash

Thursday, 13 July 2017

देवा, ह्याही देशात पाऊस पाड – दि. पु. चित्रे


देवा, ह्याही देशात पाऊस पाड
जिथे पाण्याला येतो खुनाचा वास
जिथे हिंसेच्या मळ्यात पिकतो ऊस किंवा ताग
देवा, जिथे तू आहेस तोवर निषिद्ध आहे वैताग
 देवा, ह्याही देशात पाऊस पाड
जिथे माणसांचं ख़त घालून समाज उगवतात
जिथे बळी जाणारे तुझ्यावर विश्वास ठेवतात
आणि बळी घेणारे तुझेच अवतार असतात
 देवा, ह्याही देशात पाऊस पाड
जिथे दुष्काळही नशिबं फळवून जातात
जिथे माणुसकीची यंत्र अखंड चालू असतात
जिथे परोपकाराचा ओव्हरटाईम सदैव चालतो
 देवा, ह्याही देशात पाऊस पाड
कारण इथे भरपूर खाणारे गाणी गातात
आणि ऊपाशी मरणारे त्यांना साथ करतात
जिथे दुश्काळ आणि सुकाळ एकत्र नांदतात
 देवा, ह्याही देशात पाऊस पाड

No comments:

Post a Comment

पक्षी मरतांना कुठे जातात?

पक्षी मरतांना कुठे जातात? नरेश साधवानी यांच्या मूळ इंग्रजी  लेखाचा केलेला अनुवाद प्रसन्न सकाळी मी माझ्या आवडीच्या चहा पिण्याच्या जागेवर...